呢排終於完左啲project, assignment 可以同啲朋友食下飯聚下。今次試下呢間cafe，朋友介紹同埋cafe可以坐耐啲，吹下水，又有card games玩。
6點令去到未係好多人，唔洗等位。我地本身都book咗位，經open rice訂位仲有折。夜晚有dinner set，一個主菜加$30可以有埋沙律同一杯$34飲品（可補差價）
我地叫左3個dinner set同一啲小食。
煙三文魚惹菌忌廉會意粉$116
意粉煙韌有彈性，煙三文魚都有3塊，整到成朵玫瑰咁都幾靚。仲有好多蘑菇做配料，忌廉汁較為淡味但我反而幾鐘意，感覺冇咁膩。
牛奶咖啡（凍）
咖啡味香濃，唔錯！
黑松露帶子鮮菌燴意大利飯$112
呢個飯真係好滿足，帶子份量好多，飯粒偏硬做到意大利飯既效果，醬汁調味啱啱好唔會覺膩，份量都夠。
薄荷朱古力
有薄荷味，朱古力味香濃加埋cream都幾滑，略嫌甜左啲。
法式忌廉煙肉雜菌燴長通粉 $98
好多芝士，做到拉絲效果，長通粉好多我地都差啲食唔哂，有多啲汁就會更好。
世界（隨你）
呢杯世界係完全唔知自己會叫咩，都有啲期待會整咗咩出嚟，都預咗可能會伏點知嚟到又幾靚，飲落係海鹽味朋友話係眼淚味。 又睇得又飲得都ok！
蒜香雞翼$36 蜜糖雞翼$40
一碟雞翼有六隻，都唔等慳家。雞翼半煎炸幾脆同香口，個人鐘意蜜糖味多啲，甜甜地再加啲芝麻增加香味同口感，正！
松露薯條$48
薯條基本上都係每次必叫，加上有我最鍾意嘅松露味更加要一試。一嚟到份量超大兜，唔單止有松露醬薯條仲沈左啲松露粉，松露味好香幾抵食。
朱古力蛋糕 紐約芝士蛋糕
試咗少少朱古力味，比較甜。芝士味帶少少檸檬味夠清香，感覺冇咁膩，較為鍾意芝士蛋糕多啲。
