黃大仙高質西餐

話說好耐無去黃大仙求籤，於是趁今日咁得閑，決定去黃大仙行一轉。
求完籤，又到lunch 時間，梗係要醫下肚。 一上OpenRice, 就見到Olive Era哩間野，菜式幾吸引，決定試一試！

哇！裝潢既格調吾錯，個場都幾大，由於佢系落地玻璃，可以望到入邊，視覺上系好舒服既！
門口擺曬大menu, 望到d食物圖都流曬口水～😂

先黎個餐包配牛油先。
麵包外脆內軟，我淨系加左小小牛油，已經覺得好夠香同味道了！

餐湯方面：我哋揀左野菌忌廉湯同埋龍蝦湯！

個忌廉湯好似成杯咖啡甘，都係第一次見👍🏼
淨系飲表面既泡泡，已經聞到淡淡既野菌味，質感好特別！


而龍蝦湯味道較濃郁，很有海鮮味，裹面真系有幾粒蝦架😍  

飲品方面：
我比較中意一d果茶類，清清地，於是order左🍓野莓之森🍓
真系超中意，淡淡既莓香，加埋青檸、薄荷葉，更加refreshing，根本就系開胃茶，無揀錯👍🏼

朋友就揀左杯紫薯奶昔，奶昔好滑，紫薯味較淡，吾會太甜，甘樣吾會覺得肚製。

第一味：燒雞肉螺絲粉配洋蔥蕃茄忌廉汁 $88
螺絲粉好有咬口，雞肉睇落好乾身，但加埋配汁，好入味。

第二道：凱撒沙律配煙三文魚

哩個沙律淨係賣相已經好睇得！成棵沙律菜擺喺碟，好有趣，
忍唔住要切黎食。爽趣既生菜配埋微酸既凱撒沙律醬，簡直係絕配。
呢個煙三文魚同我之前食嘅好唔同，哩個好易入口，吾會太鹹，份量都幾多，值得一讚！


第三道：烤豬肋骨配香煎三文魚

賣相好吸引😍 猪仔骨燒得好夠火候，但吾會失去咬口，易甩骨👍🏼
燒三文魚皮除皮脆肉滑。薯條夠曬粗，炸得岩岩好，夠晒嫩同新鮮
呢碟餸我哋三手兩腳就搞掂左，好味！

第四道：10安士肉眼扒配洋蔥汁  五成熟

一上碟，見到好似都幾肥下，吾太吸引，勝在夠大塊！
一切開見到啲肉仲紅紅地，有d後悔叫咗5成熟。一試，完全改觀了😱
一咬，啲汁爆曬出嚟勁好咬，原來5成熟系岩岩好，牛肉汁控制得好好，夠曬juicy ,真系勁勁勁好食！   記得，一定要5成熟！

第五道：西班牙海鮮飯

意大利飯粒粒分明，海鮮都夠新鮮，但吾系好中意個汁，好似怪怪地。
可能因為我地太飽了😂  最尾都系食淨小小

總體黎講，環境、食物質素同價錢都好相宜，哩餐飯都系值既！