牛陣//實惠既火鍋店

講到香港人最鐘意冬天食既野都係非打邊爐莫屬

行左陣mk同朗豪坊又唔想食food court

就去左佢隔離既牛陣到打邊爐

原來就係red mr 隔離

牛陣入面都算寬敞 而且好多位都係兩個人坐四人位

打邊爐成日放到一枱都係食物呢到都唔需要太擔心無位放

我地叫左個冬日戀鍋

仲有呢個日本鹿兒島直送既美人和牛

啲牛肉鮮味好夠，仲有店員仲提我地其實牛肉唔洗成塊都變啡色先食得

咁樣嫩嫩地先好食，先唔會煮得太老又韌又難食

不過有啲人驚太生就算啦

同場仲有豬肉同其他款既牛肉真係唔錯 

佢地仲切地薄薄一塊 容易入口 

但豬肉記得唔好同牛肉一樣 

豬肉一定要徹底煮熟先食得

呢到仲有haagen-dazs雪糕任食

我就狂食朱古力同芒果味

呢到有多款唔同既醬料任供選擇

 

打邊爐仲唔少得其他配料

估唔到牛陣呢到咁豐富

超過三十種唔好既火鍋料

仲有水信玄餅食

清清地

小清新咁既甜品真係好好食