同朋友吹水食飯好選擇

  其實我一直以黎都好鐘意酒樓啲小菜同炒飯類既野，但係平時都係有人擺酒先有機會去酒樓食，平時好少就咁去食，而且都係打邊爐居多，今次比個fd捉左去食富臨，終於可以叫啲小菜加飯咁啦～～雖然第一次同fd gathering咁樣好似怪怪地但係其實我覺得個環境都幾好，同埋其實好多人都會咁做，約齊三五六個知己一齊食，有少少打邊爐既feel xd

由於小妹我真係好好好鐘意燒鵝同伊面特別叫左呢個孖寶餐（心心眼

燒鵝啲皮好脆，肉汁亦好好香，唔會燒得太乾，叫個例牌都夠３個人食啦，

利申：我食左隻鵝脾

重頭戲緊係唔少得龍蝦伊面，其實點解間間茶樓都有伊面，我硬係要揀富臨呢？

　事緣同家人有一次係到擺酒慶嫲嫲大壽，跟著叫左個伊面令我一試難忘，想試再試xd

呢個伊面我食左差唔多一半，呢到既伊面有得揀芝士焗or湯，芝士咁邪惡，我當然要消滅佢，成盤伊面都係芝士會唔會太正，芝士好濃而家啲伊面都好滑，最緊要啲龍蝦啖啖肉，可惜係食嗰陣真係超污糟，(因為我唔鐘意剝殼加剝殼好煩同唔識剝) T.T

整體黎講係超推薦 (十粒星

跟著再叫左個一口牛肉

可惜啲薯仔多過啲牛QQ

其實薯仔少啲都ok 牛肉都唔算少

係比啲薯仔遮住晒啫(sor影得唔好

啲牛肉唔會太韌同乾，啲醬汁都好好食

對肉獸（瘦？

黎講真係好吸引

其實3個人黎講唔算太過份,有男有女(即係我

啲男仔同我講話想要多個炒飯

心諗，有無咁拆得，想食到我破產？

洗唔洗加多兩隻靚燒鵝？(明既會明

個炒飯我就食左少少only

份量都幾多下，同好香飯味

如果煮得濕多少少就好

因為唔太鐘意乾既飯

如果諗唔到食乜，不妨去酒樓食，價廉物美環境又好，唔會趕你走，仲唔洗排隊tim(基本上

好過食嗰啲大排長龍既連鎖店又食得一陣就收晒你啲野嗰啲

嗰陣食左差唔多2個幾鐘先走,慢慢食,談天說地~都算唔錯阿